ომიროს

#ლექსები

ნინო დარბაისელი

ომიროს
(მაგდა გორგიძეს)

გამძაფრდება ომი როს, გვაგონდები ომიროს, 
 ცოცხლად წარმოგვიდგება სხვა ამბები თუ ტროა!
 გმირი - გმირის მსხვერპლია, გმირი - განა უმტროა.
 განვიკითხოთ დღეით ვინ, კარგია თუ ავია,
კოდექსი ღირსებისა  - ყველგან დასაცავია!
თქვეს:  განა საიდუმლო ყველა გაგვიმხილაო?!
გადმოცემით  - ბრმაო და ყველას გულთამხილავო!
როცა მძლავრობს ავსული და ვართ ბრძოლის მნდომი როს, 
გადავხედავთ ზემოდან  ბანაკს საპირისპიროს, 
მღილის დარდმაც იდაროს, 
ამბებს ელის საგმიროს, 
 უკვდავ სისხლად ტრიალებ ჩვენს ძარღვებში ომიროს!