კვიცი (სპენსერული სონეტი ვოლტათი ანუ ბრუნით)

#ლექსები

ნინო დარბაისელი

კვიცი

(სპენსერული სონეტი,    ფინალში - ვოლტათი  ანუ ბრუნით  𝑎𝑏𝑎𝑏bcbc cdcdee).


სამი კვირაც იქნება, სულ კვიცებში დავდივარ,
ვარჩევ ჯიშის მიხედვით,  არდამთმობი მისხლის,
 ახლა ვფრთხილობ ძალიან,  თორემ ისე - მარდი ვარ.
 -დედის სახელს უსმინე - გამყიდველი მიხსნის - 

თუ გინდაო იპოვო კვიცი, წმინდა სისხლის. 
 ვეუბნები ამაყად,  რომ  ეგ წესი ვიცი.
ისიც ვიცი, რამხელა მიჯობს ანუ მის ხნის
უნდა იყოს,  კარგი რომ გამომადგეს კვიცი.

- ცოდნა უნდა ყველაფერს, რაა დასაფიცი!
 გამოდგომის ამბავიც  დაუმატე ბარემ;
  კარგად უნდა გესმოდეს ქიცმაცური-ქიცი,
  დასჭირდება შეწყობაც,  ვიდრე სხვებში გარევ!

- მერე გვიან იქნება,  თუ  გამრჩევი არ ხარ,
 თავი  გინდა ცოცხლად  თუ  ცოცხლად დასამარხად!