დირჯი

#ლექსები

ნინო დარბაისელი

დირჯი

(სპენსერული სონეტი,  ფინალში - ვოლტათი ანუ ბრუნით)

“ბედმა ორი გზა მაჩვენა
და უნდა გადაგირჩე, 
წასვლაც ძნელია, დარჩენაც
 - ორი ძნელიდან ვირჩევ”.

გიგლოვე, გამოგიდირჯე,
ვიქეცი მე ცრემლვარდნილად,
ვთქვი, იქნებ  სიკვდილს მივრჩე,
ცა -  ვარდით გადაბარდნილა.

მე ადრიანად, ამ დილად
მოუსავლეთში წავალ.
ვერსად მიპოვი ნამდვილად.
უკვე მიწა ვარ, ცა ვარ!

საფლავი  - ბევრს აქვს განა?!
მკვდრებიც ცოცხლებში დგანან!