სიბრძნე ჭადრაკისა (სონეტი)

#ლექსები

ნინო დარბაისელი

სიბრძნე ჭადრაკისა
(სონეტი)

სვლა - ბევრი არის კარგი.
ზოგი - გაგიხსნის  სივრცეს,
 თუმც  მოაქვს დანაკარგი;
ზოგი ფლანგს გაგიმტკიცებს

 ან - პოზიციას იგებს,
ან მოგიმატებს - ტემპს, 
 თუმცა აგირევს რიგებს, 
ზოგიც - რას გიკეთებს.

კარგ სვლას - მრავალიც იგებს, 
ჩანაფიქრთაა ცვლა,
მაგრამ პარტიას იგებს
საუკეთესო სვლა.

სიბრძნედ - ეს კმარა მარტო,
თუ გინდა, ბედი მართო!