ნექტარინი- ვაშლატამა (სონეტი)

#ლექსები
ნინო დარბაისელი

ნექტარინი - ვაშლატამა
(სონეტი)

კრეფის დროა - მხურვალეა სეზონები, 
დახუნძლულა ბაღები და ეზოები. 
ამ სეზონებს ნეტა მე რას ვეზომები, 
თითქოს სხვა მაქვს  სამიზნ-სამიზეზოები.

ბაღის ბოლოს ხე ვახარე ჯუჯისტანა, 
ნაყოფს ჩაკბეჩ  და ტკბილ-მჟავე  ტვინში  ატანს; 
-  უბუსუსო ატამია - ვაშლატამა,
ადრე გორში ყური მოვკარ   “ტიტველ ატამს”.

ნამყნობს ერგო ბევრი რამის გადატანა.
ქარმაც  ბევრჯერ თავი გაინამეტანა,
მზის სხივებთან ალერსისას  მიატანა, 
თქვა:  - ამბავი გუშინ ჩიტმა მომიტანა!

 მეც ჯიქი ვარ,  ჩემი   უნდა გამეტანა.
 ვაშლს - ევაშლა, ატამს - ატმად ეატამა!