ჩიტური ენა (სონეტი- გამოცანებიდან)

#ლექსები

ნინო დარბაისელი

ჩიტური ენა
(სონეტი ციკლიდან - გამოცანები)

საკენკი  ჰქონდა ერთი მუჭა და
-არა რამ - ასაწონი. 
 კაცს სახალისო  არც რა უჩანდა,
ვერ ნახა  “ჩიტი - სწორი”!

და  რაკი მაინც  ვერ მოისვენა, 
 მიზანი ჰქონდა რაკი,
მან შეისწავლა  ჩიტების ენა,
ჩიტური ლაპარაკი. 

რა აღასრულა ეს საქმე ძნელი, 
რაც მიზნად დაისახა, 
გაფრენილიყო ყველა მსმენელი
და ბახალა-ღა ნახა.

მაისის წვიმა -  ბუდეებს  რეცხავს,   
ეჰ, ვინ იპოვის  მერცხალს!