ნარკოზის სონეტი

#ლექსები

ნინო დარბაისელი

ნარკოზის სონეტი

 (სონეტის დრამატიზაციაში ვვარჯიშობ, დედი,  ისე, სტამბულის კაჟივითა ვარ!) 


სამკალი -  მართლა უხვია, 
კალია-ღაა მომკალი.
- ჭრილობა გადაუხვია?- 
- ნერსის ხმა, ხელში - ბოკალი, 

ბოკალში -  ლიმონათია, 
არა რამ ალკოჰოლი და
ეკუთვნის, ღამე ათია. 
რაღაცა მესმის ჰოლიდან?! 

ადგილობრივი  ნარკოზი?
- ალბათ მთლიანი ერჩია.
ხახა მაქვს ამონაგოზი.
რა მტკივა? რაღაც -  ფერდშია!

ახლა თუ არ ხარ მომკლავი,
ღმერთო,   სჯობს გამიხმო მკლავი.