სონეტი გასვენებისა

#ლექსები
ნინო დარბაისელი

სონეტი გასვენებისა

ყველაზე გვიან ვინ იჯერებს ახლობლის სიკვდილს?
- ჭირისუფალი.
უყურებს კუბოს თუმცა თავახდილს,
 შიგ უწევს ცალი  - 

ძვირია  კუბო  ოქროსფერი სახელურებით,
თაიგულებით.
განაგრძეთ ასე!  - ამბობს მკვდარი - მე - მეყურებით
და მეგულებით.

წარმოდგენაა,  მიმომსვლელთა შესაქცევარი, 
 სამ-ოთხ დღიანი, 
 აბა, რა გინდა? -  აბი,  თოკი ანდა მტკვარი,
სროლა  - ხმიანი?!

ჭირისუფლისთვის?! -   ჯდომა  მუდამ იქნება ძნელი.
დგას  - საკოცნელი!