ვერაპინული

#ლექსები

ნინო დარბაისელი

ვერაპინული

(ექსპრომტი მერაბ კვიცარიძეს, რომელიც ბრძანებს, “ნული არის ბუდისტთა მიერ შექმნილი არარაობა”)

მეუბნებოდა:
- მისმინე, ნინო, ნინუცა, ნინული,
აი ბუდისტთა ნიშნული   - არარაობა 
და ნული - 
საწყისი ყოველივესი, 
თუმცა არ  ქრისტიანული.

მერეა სხვა ყველაფერი:
ცა - ყინვით გადამინული, 
შიგ სული გამოყინული
მზის
სხივი გადაღუნული
და შემოდგომის ქარებში ღრუბლები გადაზვინული, 
სიავეც სარკინოზული თუ რაღაც სარაცინული
და მომლოდინე ერისა - უკვდავებისა ბინული
სხვა?!
ინტერნეტის ხანაში  - პოსტია ვერაპინული.
 …
მე: - განა როსმე  ღვაწებით
იქნება მერაბი  - ნული?!
ქართული საქმის კეთების
ჟინი აქვს მართლა რკინული!