ისევ პაატა ნაცვლიშვილს - სონეტი

#ლექსები

ნინო დარბაისელი

ისევ  პაატა ნაცვლიშვილს
(სონეტი)

მე მომკლავს ჩემი ხასიათი - 
- გამსუბუქება - 
რომ ჭირი - მუდამ - ხამს იაფი -
- თითქმის ჩუქება!

თვალცრემლიანი ვიცინოდე,
როდესაც მიჭირს, 
სიკვდილს ვუყურებ, ვიცი,  ოდეს, 
სიცილის ნიჭის

ჩანჩქერი  ვიყო, მეგობარო, 
 და ვყლაპო დარდი?
თუ გასაძლებად მივებარო, 
 ვისაც უყვარდი?

სადა ხარ, სიზმრად? იქნებ ცადა?
 რამე მეცადა?