არფოტო აფიშის ფონზე - სონეტი

#ლექსები

ნინო დარბაისელი

არფოტო  აფიშის ფონზე 
(სონეტი)

გაღიმებით მე უცნობი მიცქერს ვაჟი.
შენ - ფონს არჩევ, გადაიღო ფოტო, 
ესეც  ჩვენი საბოლო ვოიაჟი!
მიდის სენა - სუფთა, უნაფოტო.

არ მინდოდა პოზირებით ხიდზე დგომა.
როიალით, ვიოლინო-არფით.
დე, თვალს შევრჩე  პარიზული შემოდგომით, 
ქარს მიჰქონდეს ბერეტი და შარფი.

დაიხსომე, დამახვია რეტი ალმა - 
ეიფელმა,  აზიდული რომ ჩანს. 
რომ დამღალა აღმა-დაღმა ხეტიალმა, 
დღის ბოლოა და ეს ტურნეც  მორჩა.

პარიზია და  ამდენი  არის ჩადრი!
მთვარე- ბადრი, თვალისათვის - კადრი!