შენი კაშნე და ნაქსოვი ქუდი

#ლექსები

ნინო დარბაისელი

შენი კაშნე და ნაქსოვი ქუდი

 მაინც რატომ კლავს გაზაფხული
ერთად ნაზამთრალ
სიყვარულებს? 
ზამთრის გამძლები - გაზაფხულობით აღარ უნდა იღუპებოდეს. 

ო, გაზაფხული  - ყოველწლიურად   გარდაუვალი, 
ვისაც აქვს - ართმევს,
ვისაც არა აქვს - ძალით აჩეჩებს.
 ვისაც არასოდეს არა ჰქონია, 
მას არც ექნება,
ათასჯერაც რომ ეიმედოს.

 შენი  კაშნე და ნაქსოვი ქუდი  შემოსასვლელში ორ კაუჭზე,
 ღამ-ღამობის სიბნელეშში იეროგლიფობს:
“დასასრული დასაწყისია”
ანდა  პირიქით:
“დასაწყისი  დასასრულია!”