მარტოობა თუ განმარტოება

ნინო დარბაისელი

 მარტოობა თუ განმარტოება?
(ციკლიდან -ეტიუდები)

გაზაფხული შემომსკდარა, კვირტება და რტოება.
სულ ყვავილით  დაფარულა,
  ხეს სადაც კი რტო ება.
მე - არ მიყვარს სიმარტოვე,
მიყვარს  - განმარტოება.

იცი, რატომ გამიჭირდა მე შენი მიტოვება?
მე არ მიყვარს მარტოობა,
ხეს რომ კვირტად  მარტო ება,
სხვაა -  დროით გაეცალო,
თქმა არავის დააცალო, 
წყვილი იყო?!- გაიცალო,
რაც მოგედო - გაიცალო,
შენთვის - ცრემლად დაიცალო.
მიყვარს -  განმარტოება!