ოცდაჩვიდმეტი. მწერალთა სახლი. პაოლო

#ლექსები

ნინო დარბაისელი

37. მწერალთა სახლი. პაოლო

ვის არ ახსოვდეს მწარედ დაუნდობლობა მის ხნის!
ვერ უშუშდება ვისაც გული, თავს მუდამ ის ხრის.
დანაშაულის იყვნენ ჩამდენნი არცა მისხლის,
არცა გამცემნი ნებით - ვინმე კოლეგის, ძმის, სხვის…
სიზმრად მოდიან ჩემთან და ვერაფერი მიხსნის,
რომ არ მთრგუნავდეს შიში - თოფის გავარდნის მის ხმის,
ელვა ციური რისხვის,
კედელზე სისხლის მისხმის…

ვერ წაშალესო დღემდე კედლიდან კვალი სისხლის!