დატბორილია ვენეცია

#ლექსები

ნინო დარბაისელი

დატბორილია ვენეცია

(პეტრარკული სონეტი - ABBAABBA CDECDE)

წელს დაიტბორა ვენეცია,  ისე ციოდა,  
ლამის იყო და, ჩაიშალა კარნავალები,
კაფე-რესტორნებს დაედება ყველას ვალები. 
 - ამ მაგიდებში თან  რა ძვირი მივეციო და,
ვრჩები უფულოდ,  ასე,  მე უკომერციოდა, 
 კლიენტი -  არ ჩანს,  ამ წვიმაში რას ვეწვალები.
 წყვილებს ველოდი,  არა ჩანან აღარც ცალები.
- ერთი რესტორნის მეპატრონე ასე ჩიოდა.

ადამიანმა როგორ გასძლოს უსმელ-უსმელად, 
 რიგია, კუთხის ფარდულებმა ხალხი ისია. 
დასაჯდომს - არა საჭმელს ეძებს, განა არ შია!
 შეფარებულში  ზოგჯერ რას არ გაიგებს   სმენა!
ხუმრობდა ვიღაც: - ვენეციისთვის - საკმარისია, 
საუკუნობით  წყალზე იდგა? - ახლა წყალშია!