როგორ გადაურჩა პარტიულობას ლადო სეიდიშვილი

ნინო დარბაისელი

როგორ გადაურჩა  პარტიულობას ლადო სეიდიშვილი

“გაგანია კომუნისტების დროს მამას ლექსში ცენზურას გაეპარა: 
 "თუ შრომამ შექმნა ადამიანი, 
ვირებს რა ღმერთი გაუწყრათ?" 
    ამას რა მოყვა ცალკე ისტორიააა” 😂- 
დამიწერა ერთგან კომენტარში  ნატო სეიდიშვილმა  - ჩემი ერთ-ერთი საყვარელი პოეტის  ლადო სეიდიშვილის ქალიშვილმა და რა გამაჩერებდა, რომ არ მეთხოვა, იქნებ გვიამბოთ, რა და როგორ მოხდა-მეთქი.
ესეც მისი მონათხრობი:

“მამა მხატვარიც იყო და აჭარის მხატვართა კავშირის თავმჯდომარედ იყო არჩეული. იშვიათობა იყო - არაპარტიულს, როგორც წესი, არ ნიშნავდნენ იმ დროს თანამდებობაზე... 
    ჰოდა, დაიბარეს  "იქ" , მარქს-ენგელსის სიბრძნე როგორ გაბედეთ და დააამახინჯეთო!
    უბრძანეს, ან პარტიაში შეხვალთ ახლავე  ან დატოვებთ თანამდებობასო!!! 
    აგაშენათ ღმერთმა,  ამ რუტინას თუ მომაშორებთო და  "იოლად გადარჩენილი" ბედნიერი დაბრუნდა სახლში.😂”