მძივებად ასხმულ დღეებს ვატარებ ..

მძივებად ასხმულ დღეებს ვატარებ
და ღამეების არ მეშინია.
დავხუჭავ შენით გადაღლილ თვალებს,
მე ბავშვობიდან არ მიძინია.

დღესაც ერთი დღის ავიღე ვალი,
დამისხამს ღვინო სტრიქონს ჭიქაში,
მაშინაც ლექსით ვიყავით მთვრალი
და წვიმის ქუჩას სადღაც მივყავდით...

სიზმრების თვლაში შემოგვათენდა,
დილა გათენდა გრილი, სისხამი.
შენ მოგეჩვენე თოვლის ფანტელად,
მე უცებ მივხვდი - უკვე გიყვარდი.

დღეებს ვატარებ ასხმულს მძივებად...