მამები სიზმრად

ღამეა, მამები მოდიან

სიზმრებში, ხშირად და ყოველღამ.

მერე რა, რომ გარეთ თოვლია,

ასწრებენ მოსვლას რომ ხვალ ვეღარ

გვნახავენ, მშვიდსა და უდარდელს.

ასწრებენ თენებას, რომ ისევ

ხვალიდან მუდამ ჟამს, მუდამ დღეს

ფიქრებს და სურვილებს მოგვისევს

ძაღლივით, 
რომ დაგვბდღნას, დაგვკაწროს.

ობლებს ეს გვშვენის და გვიხდება.

ყოველთვის იტირონ ქვრივებმა,

სიცილით - იცინონ არასდროს.