და მშვენიერი

და მშვენიერი, შენ რომელსაც ჩეჩავდი, და თმა,
რომელსაც ჩეჩავ:
ნეტავ, რომელი სავარცხელი
ვარცხნის მას ისევ, ამ მშვენიერ თმას?
ნეტავ, რომელი სავარცხელი
და ვისი ხელით?


და ქვები, შენ რომ აგროვებდი,
შენ რომ აგროვებ:
საით დასცემენ ქვები ჩრდილებს,
და რა სიშორით?


და იგივ ქარი, სადღაც ზემოთ მიმოხლილი,
და იგივ ქარი:
კრებს და თავს უყრის ის ამ ჩრდილებს?
მას შენში ურევს?

(გერმანულიდან თარგმნა დათო ბარბაქაძემ)