MANDORLA

ნუშში _ რა ჰგიებს ნუშის გულში?
არარა ჰგიებს.
არარა ჰგიებს ნუშის გულში.
ჰგიებს და ჰგიებს.


არარაში _ მასში ვინ ჰგიებს? მეფე იგი.
იქ მეფე ჰგიებს, მეფე იგი.
იგი იქვე ჰგიებს და ჰგიებს.


კულულო იუდეველისა, არ გათეთრდები.


და შენი თვალი _ შენი თვალი საით ჰგიებს?
შენი თვალი ჰგიებს ნუშის საპირისპიროდ.
შენი თვალი, იგი ჰგიებს არარაის საპირისპიროდ.
მეფისკენ ჰგიებს.
ჰგიებს და ჰგიებს.


არ გათეთრდები, ხალხის კულულო,
მეფურადლურჯო, ნუშისა გულო.

(გერმანულიდან თარგმნა დათო ბარბაქაძემ)