ბედნიერება არ იზომება

ბედნიერება არ იზომება,
ის სხვაგვარია შენთვის და ჩემთვის,
რაც შენ დაკარგულ დროდ მიგაჩნია
მე სულის საზრდოდ მიმყვება დროში.

ზოგი მცირედით ბედნიერდება,
ზოგისთვის ბევრიც წვეთია ზღვაში, 
საზღვრებს ვერ ზომავს ბედნიერება,
სხვაგვარად ფასობს შენშიც და ჩემშიც.

ბედნიერება ბედით ტკბობაა,
როდესაც ფიქრობ გიღიმის ბედი,
ბედნიერი ხარ თუკი ამქვეყნად
კმაყოფილი ხარ შენ შენი ბედით.
               თამარ გელაშვილი