გაიღიმე


გაიღიმე, თუ გინდა რომ გაიმარჯვო
და თუ გინდა რომ ცხოვრებამ არ გაგრიყოს,
თორემ მწუხრმა თუ მეგობრად მიგიჩნია 
ბნელი თვალით დაგანახებს მრუდეს და სწორს.

გაიღიმე, გაუღიმე ცისფერ ზეცას 
თეთრი თოვლით გადაფიფქულ ყოჩივარდებს
ნახავ გული როგორ უცებ გაგითბება
და აისი როგორ უცებ შეცვლის ღამეს. 

გაიღიმე, ღიმილი ხომ წამალია
წამში წაშლის ყველა ტკივილს და იარებს, 
გაიღიმე ამ ცხოვრებას ერთ წამიანს,
თუ კი შენი გაღიმებით გაალაღებ.
                      თამარ გელაშვილი
0 კომენტარი

© POETRY.GE 2013 - 2024

@ კონტაქტი