წუთია წუთისოფელი

როცა დაფრინავ ვიღაც ამ დროს მიწაზე ხოხავს,
ვიღაც ხარხარებს და ვიღაცას ცრემლები სცვივა,
სადღაც პატარა პირველ სუნთქვას ეზიარება, 
სადღაც ვიღაცას უკანასკნელ წუთებს უთვლიან. 

ასე ყოფილა ეს სამყარო გამოუცნობი, 
ასე აღმართ და დაღმართებით აქ ბევრს უვლია, 
როცა ლხინის და ზეიმისთვის გიხმობს საწუთრო 
დრო არ დაკარგო, წუთისოფელს ერთი წუთი აქვს.
                                                     თამარ გელაშვილი