ასე ლამაზია ჩვენში გაზაფხული

ასე ლამაზია ჩვენში გაზაფხული 
ქარი გვირგვინად წნავს გვირილებს,
თვალი მოუჭუტავს ცისფერ კესანეებს 
თუ არ მიეფერე იტირებს. 

ასე ლამაზია ჩვენში გაზაფხული 
ნაძვი გირჩებს უწვდის ცელქ ციყვებს, 
აკაციის ხეებს ცაცხვი ეჯიბრება 
ვინ უფრო მეტ ფუტკარს ისტუმრებს. 

ასე ლამაზია ჩვენში გაზაფხული 
ჭალას ქორწილი აქვთ ტირიფებს, 
ტკბილი ვარდობის თვეც თავდაჯერებული 
ბაღში სუნით იწვევს  ბულბულებს.
                      თამარ გელაშვილი