დედოფლობის დარი

დედოფლობის დარი უდგათ ტყემლებს, 
ფუტკრებისთვის რთველის ხანა დადგა,
ჩიტ ნიბლიას მოუწყვია ბუდე 
და გვიგალობს გაზაფხულის ზღაპარს.

სიფერადე დასტყობია ტყე-ველს, 
ჭრელ-ჭრელ პეპლებს ქორწილი აქვთ ბარად, 
ჭიანჭველებს მოუნახავთ საქმე, 
ზურგზე ტვირთით იჩქარიან სადღაც. 

დღეს მერცხალმაც გაიკეთა ბუდე, 
მთელი დღეა ეზიდება ტალახს, 
მხიარულად ჭიკჭიკებენ ირგვლივ, 
გაზაფხული მოსულაო მართლაც.
                                    თამარ გელაშვილი