საწუთროს საათი

ამაყად ტიკ-ტიკებს საათის წამზომი, 
„მე ვმართავ წუთებს და საათსაც“, 
წიკ-წიკით, ჩუმ-ჩუმად წყრებიან წუთები 
და გზას მიიკვლევენ სწრაფ-სწრაფად. 

დუდუნით მიჰყვება ცხოვრებას საათი, 
„უჩემოდ ალბათ წინ ვერ წახვალთ“, 
არ ჩქარობს, არ უყვარს სულსწრაფი სიჩქარე, 
დინჯად მიუყვება თავდაღმართს.

წიკ-წიკით, ტიკ-ტიკით და ჩუმი ზრახვებით
ვერ გალევ საწუთროს ლამაზად,
ასეა ცხოვრება სიდინჯე ამშვენებს
წამებს წუთებსაც და გზაკვალსაც.
                              თამარ გელაშვილი