სოფლის დილა

მამლის ყივილზე ფხიზლობს სოფელი, 
ყურშა პატრონის დაძახილს ელის, 
ზმუის ბოჩოლა ბეწვ აქოჩრილი, 
კრუხი ქოთქოთებს ბუმბლ აფოფრილი. 

ასე ხმაურით და თან მშვიდ რითმით 
ასე ძილ-ბურნად და თან სიფხიზლით, 
ასე ლამაზად და თან სიმკვირცხლით 
თენდება დილა, დილა სიმშვიდის. 

გადაძახილით, გადმოძახილით, 
მიმოკითხვით და კარგის სურვილით, 
ჩუმი ფუსფუსით და სიყვარულით, 
ასე იღვიძებს ჩვენში სოფელი. 
                       თამარ გელაშვილი