ეს პატარა სამოთხეა

ეს პატარა სამოთხეა 
ჩემი გულის მალამო,
როგორ უნდა შეველიო,
სხვაზე როგორ გავცვალო.

აქ, ჩემს ფიქრებს საიდუმლოდ 
ჩანჩქერების ხმას ვანდობ,
მთის ნიავი რითმებს მიძღვნის,
სიმღერისთვის განმაწყობს.

ჩემო ზეცავ, ფირუზის და 
მარგალიტის სადარო, 
შენი ფერთა სიდიადე 
მსურს კადრებად ავსახო.

მშობლიურო ველ-მინდვრებო,
საქართველოს მთა-ბარო,
შენ ხარ ჩემი სულის საზრდო,
შენ ხარ ჩემი სამყარო.

თამარ გელაშვილი 09.10.2025