დარწმუნებული...

დარწმუნებული ვარ,
რომ ბალახის უმცირესი ფოთოლიც
კი განუზომლად დიადია,
ვარსკვლავთა კაშკაშის დარად.

ასევე მანცვიფრებს
ქვიშის ჩხრიალი, ჭიანჭველა, ბეღურას კვერცხი,
რომ მწვანე ვასაკა რჩეულია ქნილებებს შორის.
რომ გადაშლილი მაყვლის ბუჩქი,

აღემატება ზეცის დარბაზებს,
რომ ჩემი პატარა ნეკნის წვრილი სახსარი
უკან იტოვებს ნებისმიერ მანქანას,
რომ პირუტყვი ბალახებში თავჩაყოფილი,

მშვენიერია ვიდრე ქანდაკი.
და სულაც ეს პატარა თაგუნაც- ერთი დიდი სასწაულია,
რადგან შეუძლია მოაქციოს მრავალი ურწმუნო და უშქარი ხეპრე.

(ინგლისურიდან თარგმნა ზაალ ჯალაღონიამ)