გაზაფხულის აპრილია

გაზაფხულის აპრილია
ჭიკჭიკებენ ჩიტუნები,
სალაღობოდ გამოსულან
გოგონები, ბიჭუნები.
ყვავილების კონებია
მით მოირთო მინდორ-ველი,
მოწიწებით სხივებს აფრქვევს
მზე საამო, მზე ნათელი.
შორი თბილი ქვეყნებიდან
მოფრენილი მერცხლებია,
არემარეს აღვიძებენ
მათი ჭიკჭიკის ხმებია.
საამური ამინდია
დღეც საამო და გრილია,
ჭიკჭიკებენ ჩიტუნები
გაზაფხულის აპრილია.
2012

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი