მეტივეები ცოლებთან იქნებიან ღამე..

მიმპალი ფოთოლი მძიმედ უშვებს ორთქლს. მოშორებით მორები ყრია: ზოგი გათლილია წყალზე დასაცურებლად, ზოგი გაუთლელი. ერთ გაუთლელ მორში ორი ნაჯახია ჩასობილი. მოშორებით მეტივეები ყრიან გამზადებულ ტივზე და ქვევიდან ტანსაბურავები უგიათ.
მიმპალი ფოთლები ახლა უფრო მძიმედ უშვებენ ორთქლს.
მზე იხრება.
საღამოს უნდა ჩაუშვან ტივი.
- ოუჰ ახლა! - ამბობს ერთი.
მეორეს ბარძაყზე უჭირავს ხელი;
- ნუ გეშინია, ღამე უკვე ცოლებთან ვიქნებით, - ამთქნარებს ის.

წელი 1957. აპრილის 21.