ADAGIO

მზე  მაღალ  ხეებს  გადაესხა  და  დაასველა.
მთის  მწვერვალები  ჩაესვენნენ  ცაში  თავებით.
ვარ ბედნიერი: - ჩემს გულშიაც  ჩასვენდა ყველა.
შორს  მეზღვაურნი  მიცურავენ  ცისფერ  ნავებით.

ანგელოზებად  ჩაფრენილან  ღრუბლები  ზღვაში,
ზეცის კიდური, გარინდული, კრთის და თეთრდება.
მე ვგრძნობ სიმშვიდეს,  მყუდროებას მივარდნილ ქვაშიც...
უსაყვარლესო, ჩემი გულიც შენ გიერთდება!

წყარო: litklubi.ge