იცი, როგორი ხარ საყვარელი..

იცი, როგორი ხარ საყვარელი? _
პირზე მომსკდარი ღიმილის ჩქერი
ისე თბილია და ბევრის მთქმელი,
როცა არ მღერი, მაშინაც მღერი.
შენ ჩემი ზღვის ხარ და ჩემი ხმელის,
ბაგეზე მზეა, ბგერაში _ ფერი
და ისე გითრთის გედივით ყელი,
როცა არ მღერი, მაშინაც მღერი.
იცი, როგორი ხარ საყვარელი? _
ამას ვერ ვამბობ მე ლექსის წერით,
გული გენდობა...
გული თუ გელის,
როცა არ მღერი, მაშინაც მღერი.