ფრიდონ ხალვაში - ფოტო

ფრიდონ ხალვაში

პოეტი, პროზაიკოსი

0 48

შენ გენაცვალე, გაზაფხულო..


ჭაბუა ამირეჯიბს,
რეზო მიშველაძეს
შენ გენაცვალე, გაზაფხულო,
შენს მოსვლას ვლოცავ,
გთხოვ, მოურჩინო გული მამულს
ნამუსრს და მომწვარს.
გთხოვ, შეარიგო შურ-ბოღმებით
შებმული ძმები,
ამოიყვანე ყვავილებად
დაღუპულთ ძვლები,
ძველ მიწას _ ჩვენსას,
ამდენ სისხლით და ცრემლით ნარწყავს,
ფესვი და თესლი მომშივნია
მიეცი, რაც გაქვს,
მოწყალების დავ, _ გაზაფხულო,
იყავ მედეა,
ჰკურნე ბალახით, _
მიწა შენი მოიმედეა.
კომენტარები (0)