როცა მთვარის შუქზე მამულს ვეახლები ..

როცა მთვარის შუქზე მამულს ვეახლები,
შევხედავ ზეცას და მუხლებზე ვეცემი,
მეც მიტარებია სამშობლო ამ მხრებით –
– არა!
ხმა ზეციდან –
ნაკლებად ეცდები…
რაღაცა სიმართლე ამ ხმაში შევნიშნე,
სიმწარემ სიმართლის – გარედან
შემცვარა,
მადლობა
უფალო!
ვიღებ ამ შენიშვნას,
ალბათ,სამშობლოსთვის ნაკლებად
მეცალა.
ნაკლებად მეცალა სამშობლოს
მლოცველად,
სანთლებით ტაძარში ცოტა დრო
დავყავი,
ვაგლახ, რომ სამშობლოს არ არგო
მოცრემლვამ,
დიდგორზე დაღვრილი
სისხლივით
არ ჰყვავის.