ფილადელფია

"ელიტა PLUS" თაობა,
ნახევრად პორნო - ჰაუსი .
ჩუმად ნანატრი ბავშვობა .
წიგნი და მიკიმაუსი .
პოსტ - კოვიდური გარემო .
გამზადებული "დამღა" .
ვერ შეაკავებს სან-რემო
ჰორიზონტს მომწყდარ ტალღას .
ართქმული საფრთხე . მეწყერის . 
ფსევდო - თბილისი. ღრეობა . 
ბათუმს არც ტალღა შეჰფერის ,
არც მონგრეული შენობა . 
სირენა . მობილიზება .
მიმობნეული სულები . 
გვერდით მყავს . ტვირთს მეზიდება .
უფლით ვართ გადაბმულები . 
არეულობა . ძიება . 
ჩაყენებული ჯარები . 
დგას გარდაცვლილთა რიგები
და ფულებს შენახარები .
კათედრალური ტაძარი,
მინიპაპიზმის მანერა .
კუბო - კუბოზე დავძარი
და ფართოდ ვგრძნობდი არეალს ;
შეშინებულთა დროება .
index finger - ი . ჩიპი . 
მოსჩანს - ელია . ენუქი .
კიდევ მესამეც  - "ვიპი" .
განდგომილების ხანაში,
ერთი აღდგომა გვჭირდება
რომ მოახლოვდეს ნანახი
და საქართველოს დიდება !
მაშინ მივხვდებით რა იყო,
ყოველგვარ მიზნის შედეგი . 
ტახტებს სამეფო - სამღვდელოს
იერთებს "მელქისედეკი" !
შენ,საქართველოს მამავ !
სამოცდა ექვსი წელი . 
ჯვარზე წინდაწინ ასულხარ
ისეთ "აღდგომას" ელი .
ოთხიათასი წელია,
ძილს ხედავ იბერიის,
ზღვის კიდით უკვე ელიან
ჩვენს დედას - ივერიის . 
კითხვებზე გვესმა პასუხი,
"როდემდე",ანდა "სადამდის",
წმინდები დადგნენ საზღვრებთან
ნიკოფსით -  დარუბანდამდის . . . 
როგორც ათასი წლის წინათ,
ზღვას შედგა - გაბრიელი ,
ვეფხისტყაოსნის შინაარსს
ბეჭდებს ხსნის "ტარიელი" !