Exclamación

არ ვიცი,ნუთუ ვერ ვხედავთ?
არ ვიმჩნევთ,მიზეზს ვერ ვხვდებით . . .

არ გვჯერა და მაინც ყოველწამს 
ერთმანეთს ხელიდან ვეცლებით !

ჩვენ ერთმანეთის ტკივილი,
ბარძიმით გვასვეს უფალო !
და თუკი შენც დაიღალე სპეტაკ სულების ცდაში . . .

მიწიდან ასეთ სიმძიმით ვეღარ მოვფრინავთ უბრალოდ . . .
ფრთები არ გვეყო,უფალო
- თუ ვერ მოვფრინდით ცაში .

იქ უკვდავება გვინდება,
აქ მოკვდავებად ვერ ვრჩებით .
უერთმანეთო სიბნელით,
ირიბ ხვეწნით თუ ვედრებით . . .
იმქვეყნად მაინც გვინდება,
ამქვეყნად ვეღარ ვჩერდებით . . .

რა შვილი , 
მოდგმა ,
- კითხვას ვსვამთ !
სიტყვაში ნუ ჩაგვეჩრებით :

- ერს თუ გაეხსნა იარა,
ხვალინდელი დღე კიარა ,
ნეტავ,ვინც ამას ვკითხულობთ,
გათენებამდე შევრჩებით ? !