ლიტერატურა › გვერდები › ირაკლი შარაბიძე › პოეზია
ირაკლი შარაბიძე - ფოტო

ირაკლი შარაბიძე

1 264

წყვდიადი ოცნების ბოლოს


ათი წელია ამ ზღაპარში მიწევს ცხოვრება,
ვგრძნობ ლეგენდებად გაგრძელდება,უკვე ვღონდები,
ათი წელია საპაექროდ მიწვევს ოცნება
და მჯერა მკითხველს თავის გმირად მოვაგონდები.
მინდა ლექსად სწვდეს მთის მწვერვალებს ხმა დაფარული,
ჩემთვის ისხამდეს ზეცა სარტყელს შვიდფერ ცვალებით,
თან გალაქტიკის იქით ვიყო გადაპარული
თან ზეცა მსდევდეს თაბორის მთის ფერისცვალებით.
რად მინდა გულში სისხლის ფერი,ჟანგად რომ მექცა,
რთულზე რთულია მოვლენილი ეგ განაჩენი,
რად მინდა იქვე მომესაჯოს შავფერი ზეცა
სადაც შავია მოკლე დროში სხვა დანარჩენი.
მინდა მგზავრობით გავიკვალო გზა დაკარგული,
და მით ვისწავლო ხმა სიჩუმის - უდაბნოების,
მსურს გამოვცადო სიძულვილი და სიყვარული
თან მეგობრობა - თან კი სევდა უთანხმოების.
ეგ იმედები წვიმის წვეთზე უფრო სტირიან,
და ეგოიზმით უგუნურებს ჩემი მეობა,
კარები ირგვლივ ბედისწერით ჩაკეტილია
და დაჩაგრულის მირიგდება მდგომარეობა.
ვიცი მწერვალებს მოედება ძლიერი ქარი,
და განსაცდელში თუ არ დავრჩი სულით დიადი,
აქ თუ მეგობრის გასაჭირზე დავხუჭე თვალი
იქ მელოდება თვალგახილულს უცხო წყვდიადი.
კომენტარები (4)

..... - 22.10.2016

Vauuuu dzalian dzalian dzalian magaria bravo!!!Ai martla dzalian momewona

..... - 22.10.2016

Yvela tsepi momwons meored wavikitxe...bravo

..... - 23.10.2016

Ai mteli gulit gisurveb warmatebuli poeti gamxdariyavi radgan wet ai uuumagresad..sulshi rom migatunebs iise...