0 159

ურაპატრიოტიზმი


- გიორგი ბრწყინვალე 17 წელიწადი მონღოლებს ხარკს უხდიდა (დროსა და მშვიდობას ყიდულობდა) !
- დავით აღმაშენებელი 9 წელიწადი სელჩუკებს ხარკს უხდიდა (დროსა და მშვიდობას ყიდულობდა) !
- დღეს "ყოველი მეორე აკვნიდან გადმოვარდნილი ურაპატრიოტი" 24/7 - ზე რუსეთს აგინებს და უეცარი საფრთხის შემთხვევაში (საზღვრებთან ჩემოდნებით ხელში აცოლშვილებული დგას გასაქცევად) .
ვერ გეტყვით რომელი ტერმინით მოგისვრიან საქართველოს ისტორიულ ნაგავსაყრელზე,იმიტომ რომ ყველაფერი მეორდება,უფრო მასშტაბურად . 

უშუალოდ გიორგი ბრწყინვალეს - ბებია (გვანცა დედოფალი მოუკლეს) - ასევე ძმა - ვახტანგ მესამე მოუკლეს , მამაც მოუკლეს - დემეტრე თავდადებული და საერთოდ,დინასტია ამოუწყვიტეს . ოჯახის წევრებ ამოწყვეტილმა ბიჭმა მოსახლეობა ამოწყვეტილი და ტერიტორიულად დაგლეჯილი ერი ჩაიბარა და ისეთი ტაქტიკური სვლები განახორციელა,რომ დღემდე კვლევის საგნად რჩება,საიდან და როგორ ასეთი სივრცული აზროვნება ასეთ პატარა ბიჭს . დავითს შეგნებულად არ ვეხები . 

ასევე სასხვათაშორისოდ ვწერ,რომ ერის გამამთლიანებელი გასაღები ჩვენს წმიდა და დიდებულ მეფეთათვის (დავითი,თამარი,გიორგი ბრწყინვალე) ყოველთვის ეკლესიის განწმედაში მდგომარეობდა . ამით იწყებდნენ - ერის ხერხემალს მეტასტაზებს აცლიდნენ,რომ ერი წელში გამართულიყო და ჰორიზონტის ცქერა მერე დაეწყო . თბილისის II საეკლესიო კრებაზე (1185 წ.)
მეფე თამარმა კრების გახსნისას ბრძანა : “გამოიძიეთ ყოველი კეთილად და დაამტკიცეთ მართალი, ხოლო განხადეთ გულარძნილნი, იწყეთ ჩემ ზედა " (ჩემგან დაიწყეთ ეკლესიის წმენდა) . ნუ თვალ ასხამთ მთავართა სიმდიდრისათვის, ნუცა გლახაკთა უდებ ჰყოფთ სიმცირისათვის” .

ასე მიჰყავდათ წმიდა მეფეებს საქართველო ტიტანურ საზღვრებამდე,ჯერ ზნეობრივად და გონებრივად,შემდეგ კი ამას ტერიტორიული მთლიანობა მოჰყვებოდა . აი ასეთი იყო ერის აღმშენებლობის,კულტურულად მოოქროვებისა და სულიერად ბრწყინვალების ხანა !
დღეს კი,როდესაც აღმაშენებელს ნატრულობ ადამიანი,მინიმუმ "დაღმამშენებელი" არ უნდა იყო, "შიდაოკუპანტი" - იგივე . არ გამომრჩეს კიდევ ერთი დასაკვირვებელი ფაქტი;რომ დიდგორზე დაცემული უკანასკნელი მებრძოლიც კი აღმაშენებელი იყო სინამდვილეში - დავითი თავი და კრებსითი სახეა .
ბირთვიდან ამოიძერწებოდა ხოლმე ისტორიულად ასეთი პიროვნება . 
ამოდიოდა ბირთვიდან,ვულკანის კრატერიდან,ჯოჯოხეთიდან - ანუ მოსახლეობის ტყავიდან .
კომენტარები (0)