მარუსასეული

ახლა ისე ძნელია ერთმანეთის გაგება,
რაღაც ამოუცნობი დაიბადა ამინდი .
ახლა ისე მინდება ოცნებების აგება 
და მთვარესთან (ორ კაცზე ) გადაშლილი ნადიმი...

ახლა ისე რთულია აზრის აზრზე გადაბმა ,
რომ სიტყვებსაც ემჩნევა უაზრობის იერი ,
ახლა ისე მწყურია სულის სულთან შებმა,
რომ 
თუნდაც მთელი სიცოცხლე ვიყო ლექსით მშიერი ...

ახლა ისე რთულია შენი ჩემად ჩემობა ,
მახსენდება შენს მკერდზე ღილებია უთვალო ,
ახლა ისე რთულია ,ახლა ისე მიჭირს ,რომ...
რომ მარტოსულს , მარტო სულს ,
შენ უშველი უფალო !

მარუსა