* მ ე ნ ა ტ რ ე ბ ა

სოფლის სახლზე ღამის მთვარე გადასული
და აისის ვარდისფერი ნეტარება,
გამოღებულ ხის სარკმელში ტყემლის სუნი
მ ე ნ ა ტ რ ე ბ ა . . .

წყაროს წყალი დასალევად გაკრეფილი
და ატამი, კვირტებში რომ ეატმება,
ყვავილები, მინდორ-მინდორ დაკრეფილი
მ ე ნ ა ტ რ ე ბ ა . . .

ნეშომჭადით დაორთქლილი ძველი კერა,
ჭყინტი ყველით როცა სული მემატება,
კართან ლუკმის მოზიარე მურიკელა
მ ე ნ ა ტ რ ე ბ ა . . .

/მარიამ რევიშვილი/