კრის კრისტოფერსონი - მოიხსენი თმის საკრავი


#თარგმანები

 კრის კრისტოფერსონი გარდაიცვალა ორი დღის წინ…
მჯერა, როგორც მრავალზე უმრავლესი პრიზის მფლობელ ქანთრი-  მომღერალსა და  კომპოზიტორს -  ნაკლებად, აი,  როგორც კინომსახიობს კი ყველანი იცნობდით. მთელს მსოფლიოში იყო სახელგანთქმული.
 ეს ლექსი, რომლის სასიმღერო ვერსიასაც ვთავაზობ ჩვენს მკითხველებს, იმ იმედით, რომ  ვინმეს სასიმღეროდაც გამოადგება, მისი ყველაზე ცნობილი სიმღერის, ჰიტისაა და  სპეციალურად ელვის პრესლისთვის დაიწერა.
  ელვისმა მართლაც შეასრულა იგი , მაგრამ ჰიტად მაინც არ ქცეულა მის ხელში.      დიდება ელვისის მერე ეწერა. რეიტინგებში პირველ სამეულში ხშირად უწევდა ყოფნა სხვა  დიდ მომღერალთა წყალობით (კომენტარი ნახეთ)

კრის კრისტოფერსონი

მოიხსენი თმის საკრავი

მოიხსენი თმის საკრავი,
შეიფერთხე, ჩამოშალე,
ნაზად კანზე მომეკარი,
როგორც კედელს ჩრდილი შავი.

მოდი, გვერდით მომიწექი,
გათენდება დილა მთელი!
არაფერი, მხოლოდ დრო მსურს,
ეს ღამე მაქვს გასათევი.

არ დავეძებ მცდარს და მართალს,
არც მიხვედრა არ მსურს რამის,
ეშმას ჰქონდეს ხვალინდელი
ღმერთო, დღეს მსურს მეგობარი,

გუშინდელი  ჩავლილია,
დღე არ მოსჩანს ხვალინდელი,
მარტოობა რა ძნელია!

დამეხმარე, ეს ღამე მაქვს გასათევი!

არ დავეძებ მცდარს და მართალს,
არც მიხვედრა არ მსურს რამის,
ეშმას ჰქონდეს ხვალინდელი,
ღმერთო, დღეს მსურს მეგობარი.

გუშინდელი  ჩავლილია.
დღე არ მოსჩანს ხვალინდელი,
მარტოობა რა ძნელია!

დამეხმარე, ეს ღამე  მაქვს გასათევი.

 
(თარგმანი ნინო დარბაისელისა)

Take the ribbon from your hair,
Shake it loose and let it fall,
Layin' soft upon my skin.
Like the shadows on the wall.

Come and lay down by my side
till the early morning light
All I'm takin' is your time.
Help me make it through the night.

I don't care what's right or wrong,
I wont try to understand.
Let the devil take tomorrow.
Lord, tonight I need a friend.

Yesterday is dead and gone
and tomorrow's out of sight.
And it's sad to be alone.

Help me make it through the night.

I don't care what's right or wrong,
I don't try to understand.
Let the devil take tomorrow.
Lord, tonight I need a friend.

Yesterday is dead and gone
and tomorrow's out of sight.
And it's sad to be alone.

Help me make it through the night.

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

© POETRY.GE 2013 - 2025

Facebook Telegram კონტაქტი