ქალო გიხდება ღიმილი

ქალო გიხდება ღიმილი,
ნუ აიცრემლებ თვალებსო,
ქალო გიხდება სინაზე
მორცხვად რომ დახრი თვალებსო.
ქალო გიხდება ეგ თმები,
რომ ბზინვარებენ მხარზედო
ქალო ლამაზო არსებავ,
ერიდე მამაკაცებსო.
მაგ თვალებს აგიცრემლებენ,
ღიმილს მოგგლეჯენ ბაგიდან,
სინაზეს დაგავიწყებენ
გამეგობრებენ სირცხვილთან.
ქალო ამით ნუ დაფრთხები,
იქით დააფრთხე სხვებია,
ქალო ლამაზო არსებავ 
არ გახდე კაცის კერძია.
თუ იმათ თვალში სუსტი ხარ,
სცადე ძლების მოკრება,
ერთხელაც კაცი ვაცრემლოთ
საოცარი რამ მოხდება?!
ქალო ღვთიურო არსებავ,
ლამაზო პირ მომღიმარევ
უღირსის დასჯა, უღირსი
კაცის მოსპობა ისწავლე.
ქალო გიხდება ღიმილი,
ნუ აიცრემლებ თვალებსო,
ქალო გიხდება სინაზე 
მორცხვად რომ დახრი თვალებსო.