გოდერძი ჩოხელი - ფოტო

გოდერძი ჩოხელი

მწერალი, სცენარისტი, კინორეჟისორი

მგელი

ბავშვობაში, როცა მთვარე
მიეფარა სერებს,
როცა სახლში დედაც მყავდა
პურიც მქონდა, წყალიც,
ცივ ზამთარში გაღმა ტყიდან
ამოყმუვლდა მგელი.
ეს ხმა იყო გამყინავი,
გამთოშავი, მწველი.
დედას ვკითხე, დედამ კიდე
მიპასუხა;
-მგელი!!!
მთელ იმ ღამეს გაჰყმუოდა,
გაჰყმუოდა:
მგელი!!!
ახლა როცა ცივ ზამთარში
მენატრება დედა
ვგრძნობ, რა ტკბილად
გაჰყმუოდა,
გაჰყმუოდა-
მგელიც!
კომენტარები (0)