წლებქვეშ გამომწყვდეულს ..

წლებქვეშ გამომწყვდეულს სხვას რას მოუყვები გზას
ან რით დაამოკლებ. ან რით გაიგრძელებ თუ
იმდენი გითქვამს, რომ შენივე სიტყვებზე დგას
შენი წისქვილი და შენივე საძვალე. გსურს
ის ვინც ქარნაკრავზე ქალაქს დაემალა და
ის ვინც განუწყვეტლივ ტკივილს გიმთელებდა ვინც
განდო სიყვარული და ისიც გევალა ხან
განდო მოგონება და ისიც გროშები ღირს.
წლებქვეშ გამომწყვდეულს სხვას რას მოუყვები გზას...