ვეტერანის წუხილი

მშვიდობის დროს უცხოვრია რა კარგად,
მაგრამ ომმა მეომარი დაარქვა.
ცალი ფეხი აფხაზეთში დაკარგა,
მისი ხელით მოიჭრა და დამარხა.
ლტოლვილ ხელზე აფხაზეთის სვირინგი,
დევნილ ხელის სისხლით მოისვირინგა.
რადგან დათვმა ძმების შუა შვი რინგი,
მკვლელ ტორებმა გულში მოგვიშილინგა.
ცალი ფეხიც მოაწყვიტეს ცხინვალში
და გამოჩნდა დევნილ ხელზე ოსეთი.
რა აწუხებს საქართველოს ინვალიდს?
ფეხებს არა - ხელებს ჩივის მოკვეთილს.